കണ്ണൂർ ● സമസ്ത കേരള ജംഇയത്തുൽ ഉലമ കേന്ദ്ര മുശാവറ അംഗവും പ്രമുഖ സൂഫിവര്യനുമായ മാണിയൂർ അഹമ്മദ് മുസ്‌ലിയാർ അന്തരിച്ചു. പക്ഷാഘാതത്തെ തുടർന്ന് ഏറെ കാലമായി ചികിത്സയിലായിരുന്നു.കണ്ണൂർ ആലക്കോട് ചികിത്സയിലിരിക്കെയാണ് അന്ത്യം.
പുറത്തീൽ പുതിയകത്ത് ശൈഖ് കുടുംബത്തിൽ 1949 ജൂൺ 19നാണ് മാണിയൂർ ഉസ്താദിൻ്റെ ജനനം. പണ്ഡിതനും സൂഫിവര്യനുമായ മാണിയൂർ അബ്ദുല്ല മൗലവിയുടെയും പുറത്തീൽ പുതിയകത്ത് ഹലീമ എന്നവരുടെയും പുത്രനാണ്. സമസ്ത കേരള ജംഇയ്യത്തുൽ ഉലമയുടെ കേന്ദ്ര മുശാവറ മെമ്പർ, സമസ്ത കണ്ണൂർ ജില്ലാ ജനറൽ സെക്രട്ടറി, തൃക്കരിപ്പൂർ മുനവ്വിറുൽ ഇസ്ലാം അറബിക് കോളേജ് പ്രിൻസിപ്പാൾ തുടങ്ങി നിരവധി സ്ഥാനങ്ങൾ വഹിച്ചിരുന്നു.
മാണിയൂർ ഉസ്താദിൻ്റെ ജനാസ രാവിലെ 9 മണിയോടെ ചെറുവത്തല വീട്ടിലെത്തിക്കും. തുടർന്ന് ജനാസ സന്ദർശനത്തിനും മയ്യിത്ത് നിസ്കാരത്തിനും ശേഷം ഉച്ചക്ക് 2 മണിക്ക് സ്വവസതിയുടെ ചാരത്ത് മറവ് ചെയ്യുമെന്നാണ് വിവരം.
Post a Comment