ആലങ്കോട് ലീലാകൃഷ്ണന്‍, കിശോര്‍ സത്യ, കാനേഷ് പൂനൂര്‍, അഡ്വ. മനോജ് മേനോന്‍, അബ്ദുല്‍ ജമാല്‍, ഫൈസല്‍ എളേറ്റില്‍, കെ എസ് എ കരീം കാഞ്ഞിരത്തിങ്ങല്‍, ഷെയ്ക് മുഹമ്മദ് ബാബു കായല്‍പട്ടണം എന്നിവരടങ്ങിയ ജൂറിയാണ് ജേതാവിനെ തിരഞ്ഞെടുത്തത്. മാപ്പിളപ്പാട്ട് ഗവേഷകനും കാഥികനും ഗ്രന്ഥകാരനുമായ അശ്‌റഫ് സഖാഫി ഇതിനകം എട്ട് പുസ്തകങ്ങള്‍ ഏഴുതിയിട്ടുണ്ട്. മഹത്തായ മാപ്പിള സാഹിത്യ കൃതികള്‍, ബദ്ര്‍ സംഗീത സാരവും ചരിത്ര പഠനവും, സിദ്ധീഖുല്‍ അക്ബര്‍ മാല പഠനവും വിവര്‍ത്തനവും, മാപ്പിളപ്പാട്ട് നിയമങ്ങള്‍, ഇശലെഴുതിയ മാപ്പിള കവികള്‍, അറബി മലയാള മാപ്പിളപ്പാട്ട് കൃതികള്‍, അറബി മലയാളത്തിലെ മുത്ത്‌നബി, ആദി അമൈത്തെ പാട്ട് വ്യാഖ്യാനം എന്നീ ഗ്രന്ഥങ്ങളാണ് രചിച്ചിട്ടുള്ളത്.
നാദാപുരം സംവാദപ്പാട്ട്, ബദ്ര്‍ മാല വ്യാഖ്യാനം തുടങ്ങിയ ഗ്രന്ഥങ്ങള്‍ പണിപ്പുരയിലാണ്. ആള്‍ കേരള കിസ്സപ്പാട്ട് അസോസിയേഷന്‍ സംസ്ഥാന സെക്രട്ടറിയായ അഷ്‌റഫ് സഖാഫി പുന്നത്തിന് നേരത്തെ കേരള സര്‍ക്കാറിന്റെ 2022 ലെ കേരള ഫോക്ക്‌ലോര്‍ അക്കാദമി അവാര്‍ഡ്, കേരള സര്‍ക്കാറിന്റെ 2024 - 26 വര്‍ഷത്തേക്കുള്ള വജ്ര ജൂബിലി ഫെല്ലോഷിപ്പ് എന്നിവയും ലഭിച്ചിട്ടുണ്ട്. ഭാര്യ: ഫാത്തിമ നാജിയ. മക്കള്‍: സഹ് ല ബുഷ്‌റ, നഫീസ മുല്ല.
Post a Comment