ക​രി​പ്പൂ​ർ വി​മാ​ന​ത്താ​വ​ള പരിസ​രം കേന്ദ്രീകരി​ച്ച് ക​ഞ്ചാ​വ് വി​ല്‍പ​ന; ഒരാൾ കൂടി പിടിയിലായി

കൊ​ണ്ടോ​ട്ടി ● ക​രി​പ്പൂ​ർ വി​മാ​ന​ത്താ​വ​ള പരിസ​രം കേ​ന്ദ്രീ​ക​രി​ച്ച് ക​ഞ്ചാ​വ് വി​ല്‍പ​ന നട​ത്തി​യ കേ​സി​ല്‍ ഒ​രാ​ളെ​ക്കൂ​ടി കൊണ്ടോട്ടി പൊ​ലീ​സ് അ​റ​സ്റ്റ് ചെ​യ്തു. കോ​ഴി​ക്കോ​ട് പെ​രു​വ​യ​ല്‍ കാ​യ​ലം ക​ണ്ണാ​ച്ചോ​ത്തു വീ​ട്ടി​ല്‍ അ​ഫ്‌​ല​ഹ് (29) ആ​ണ് പിടിയി​ലാ​യ​ത്. മൂ​ന്ന് കി​ലോ​ഗ്രാം ക​ഞ്ചാ​വ് പി​ടി​കൂ​ടി​യ കേ​സി​ല്‍ നേ​ര​ത്തെ ഒ​ഡീ​ഷ ന​ഗ​ര്‍ബാ​നാ​പൂ​ര്‍ സ്വ​ദേ​ശി​ക​ളാ​യ അ​ജി​ത്ത് ജാ​നി (30), ബി​ഗ്‌​നേ​ഷ് ഹ​യാ​ല്‍ (32) എ​ന്നി​വ​ര്‍ പി​ടി​യി​ലാ​യി​രു​ന്നു. ഇ​തോ​ടെ ഈ ​കേ​സി​ല്‍ അ​റ​സ്റ്റി​ലാ​കു​ന്ന​വ​രു​ടെ എ​ണ്ണം മൂ​ന്നാ​യി. 

ര​ണ്ടു​മാ​സം മു​മ്പ് ക​രി​പ്പൂ​രി​ന​ടു​ത്ത് കൊളത്തൂ​ര്‍ ജ​ങ്ഷ​നി​ല്‍ ഡാ​ന്‍സാ​ഫ് ടീ​മാ​ണ് മൂ​ന്നു​ല​ക്ഷം രൂ​പ വി​ല​വ​രു​ന്ന ക​ഞ്ചാ​വു​മാ​യി ഇ​ത​ര സം​സ്ഥാ​ന തൊ​ഴി​ലാ​ളി​ക​ളെ പിടി​കൂ​ടി​യി​രു​ന്ന​ത്. ഒ​ഡീ​ഷ​യി​ല്‍നി​ന്ന് കഞ്ചാ​വെ​ത്തി​ച്ച സം​ഘ​ത്തി​ലെ ക​ണ്ണി​യാ​ണ് ഇ​പ്പോ​ള്‍ അ​റ​സ്റ്റി​ലാ​യ അ​ഫ്‌​ല​ഹ്. പാ​ല​ക്കാ​ട് ക​ഞ്ചി​ക്കോ​ട്ട് തി​ങ്ക​ളാ​ഴ്ച വൈ​കു​ന്നേ​ര​മാ​ണ് ഇ​യാ​ള്‍ പൊ​ലീ​സി​ന്റെ പി​ടി​യി​ലാ​കു​ന്ന​ത്. 

2019ല്‍ ​ക​ഞ്ചാ​വ് ക​ട​ത്താ​ന്‍ ശ്ര​മി​ക്കു​ന്ന​തി​നി​ടെ ര​ണ്ട് കി​ലോ​ഗ്രാം ക​ഞ്ചാ​വു​മാ​യി മാ​വൂ​ര്‍ പൊ​ലീ​സ് ഇ​യാ​ളെ പി​ടി​കൂ​ടി​യി​രു​ന്നു. ഈ ​കേ​സി​ല്‍ ജാ​മ്യ​ത്തി​ലി​റ​ങ്ങി ഇ​യാ​ള്‍ വീ​ണ്ടും ല​ഹ​രി വി​ൽ​പ​ന​യി​ല്‍ സ​ജീ​വ​മാ​കു​ക​യാ​യി​രു​ന്നെ​ന്ന് അ​ന്വേ​ഷ​ണ ഉ​ദ്യോ​ഗ​സ്ഥ​ര്‍ പ​റ​ഞ്ഞു. ല​ഹ​രി​ക്ക​ട​ത്ത് സം​ഘ​ത്തെ​കു​റി​ച്ചു​ള്ള കൂ​ടു​ത​ല്‍ വി​വ​ര​ങ്ങ​ള്‍ക്കാ​യി പ്ര​തി​യെ ചോ​ദ്യം ചെ​യ്തു​വ​രു​ക​യാ​ണ്. ജി​ല്ല പൊ​ലീ​സ് മേ​ധാ​വി ആ​ര്‍. വി​ശ്വ​നാ​ഥി​ന്റെ നി​ര്‍ദേ​ശ​പ്ര​കാ​രം കൊ​ണ്ടോ​ട്ടി ഡി​വൈ.​എ​സ്.​പി സ​ന്തോ​ഷ്, കൊ​ണ്ടോ​ട്ടി ഇ​ന്‍സ്പ​ക്ട​ര്‍ ഷ​മീ​ര്‍ എ​ന്നി​വ​രു​ടെ നേ​തൃ​ത്വ​ത്തി​ല്‍ ഡാ​ന്‍സാ​ഫ് സം​ഘ​വും കൊ​ണ്ടോ​ട്ടി പൊ​ലീ​സും ചേ​ര്‍ന്നാ​ണ് കേ​സ് അ​ന്വേ​ഷി​ക്കു​ന്ന​ത്.