തിരൂരങ്ങാടി ● നാലു കിലോഗ്രാം കഞ്ചാവുമായി ഇതര സംസ്ഥാന തൊഴിലാളിയെ പോലീസ് അറസ്റ്റ് ചെയ്തു. ഒറീസ ബാഗ്‌ഡേരി കോരാപുട്ട് സ്വദേശി രജന്ത് നാഗ(29) ആണ് പിടിയിലായത്. ഇന്നലെ വൈകീട്ടോടെ ചെമ്മാട് ടൗണിൽ ഡാൻസാഫ് ടീം നടത്തിയ പരിശോധനയിലാണ് ഇയാൾ പിടിയിലായത്. ഇയാളിൽ നിന്നും പിടികൂടിയ കഞ്ചാവിന് വിപണിയിൽ 2 ലക്ഷത്തോളം രൂപ വില വരും.
ശരീരത്തിൽ ഒളിപ്പിച്ച് അതി വിദഗ്ധമായാണ് ഇയാൾ കഞ്ചാവ് കടത്തിയിരുന്നത്. ഒറീസയിൽ നിന്നും നിരവധി തവണ ഇയാൾ കഞ്ചാവ് കടത്തി കൊണ്ടു വന്നിട്ടുള്ളതായി പോലീസ് പറഞ്ഞു. മലപ്പുറം ജില്ലാ പോലിസ് മേധാവി ആർ വിശ്വനാഥ്ന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് തിരൂരങ്ങാടി ഇൻസ്പക്ടർ പ്രദീപ്, എസ് ഐ സുജിത്ത് തുടങ്ങിയവരുടെ നേതൃത്വത്തിലുള്ള സംഘം ഇയാളെ പിടികൂടിയത്. പ്രതിയെ വിശദമായി ചോദ്യം ചെയ്തുവരികയാണെന്ന് പോലീസ് അറിയിച്ചു.
إرسال تعليق