മലപ്പുറം ● താനൂരിൽ ട്രാൻസ് യുവതിയെ സുഹൃത്തിൻ്റെ താമസസ്ഥലത്ത് മരിച്ച നിലയിൽ കണ്ടെത്തി.വടകര സ്വദേശിനിയായ കമീലയെയാണ് ഇന്ന് പുലർച്ചെ നാലരയോടെ സുഹൃത്തായ യുവാവ് താമസിച്ചിരുന്ന വീടിന് മുന്നിൽ തൂങ്ങിമരിച്ച നിലയിൽ കണ്ടെത്തിയത്.തിരൂർ പയ്യനങ്ങാടിയിലാണ് കമീല താമസിച്ചിരുന്നത്. ഇവരുടെ സുഹൃത്ത് വൈലത്തൂർ സ്വദേശിയാണെങ്കിലും ഒഴൂർ കരിങ്കപ്പാറയിലുള്ള സഹോദരന്റെ വീട്ടിലാണ് ഇയാൾ താമസിച്ചിരുന്നത്.
ഈ വീടിന് മുന്നിൽ വാഹനം പാർക്ക് ചെയ്യാനായി നിർമ്മിച്ച താത്കാലിക ഷെഡ്ഡിനുള്ളിലാണ് കമീലയെ തൂങ്ങിമരിച്ച നിലയിൽ കണ്ടെത്തിയത്.മരിക്കുന്നതിന് തൊട്ട് മുൻപ് കമീല ഇൻസ്റ്റഗ്രാമിൽ ഒരു വീഡിയോ പങ്കുവെച്ചിരുന്നു.താൻ ആത്മഹത്യ ചെയ്യാൻ പോവുകയാണെന്നും അതിന് ഉത്തരവാദി തന്റെ സുഹൃത്താണെന്നും വീഡിയോയിൽ കമീല പറയുന്നുണ്ട്.സുഹൃത്തിൻ്റെ വീടിനടുത്ത് പോയി മരിക്കാൻ പോകുകയാണെന്നും വീഡിയോയിൽ വ്യക്തമാക്കിയിരുന്നു. സംഭവത്തിൽ താനൂർ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
إرسال تعليق